منتديات فرشات عربية

اهلا بك ايها الزائر

المواضيع الأخيرة

» ادخل كل يوم وادعو لوالديك..
الإثنين ديسمبر 17, 2012 2:43 pm من طرف سوسو

» شهد أن لا إله إلا الله وأشهد أن محمد عبده ورسوله
السبت نوفمبر 17, 2012 4:08 pm من طرف سوسو

» أيــــش تــقــول: للــــي فـــي بــــالـــــك ؟!!
السبت نوفمبر 17, 2012 4:06 pm من طرف سوسو

» نرحب بعضو صمتي جرحني
السبت نوفمبر 17, 2012 4:01 pm من طرف مريومة

» عندما تحاول أن تبتسم
السبت نوفمبر 17, 2012 3:30 pm من طرف مريومة

» المرأة هي ....
السبت نوفمبر 17, 2012 3:24 pm من طرف هاجر

» أصحاب القلوب البيضاء
السبت نوفمبر 17, 2012 3:21 pm من طرف هاجر

» عندما يجتمع مرح التويكس + روعة الاوريو بطابع بارد
السبت نوفمبر 17, 2012 3:21 pm من طرف ندي الايام

» شخصيتك من رائحة عطرك
السبت نوفمبر 17, 2012 2:51 pm من طرف ندي الايام

أفضل 10 أعضاء في هذا الشهر

دخول

لقد نسيت كلمة السر


    اصول الكلام في حياتنا اليوميه

    شاطر
    avatar
    هدهد

    عدد المساهمات : 112
    نقاط : 136
    السٌّمعَة : 3
    تاريخ التسجيل : 04/12/2011
    الموقع : فلسطين

    اصول الكلام في حياتنا اليوميه

    مُساهمة من طرف هدهد في السبت ديسمبر 17, 2011 11:39 am

    أصول الكلام فى حياتنا اليوميه




    اصحى بقة وفوق واعرف أصول الكلام اللى بتتكلمه ايه !!



    ونبدأ بكلمة مشهوره جدا ومشهور تفسيرها الخاطىء كشهرة الكلمة

    وهى كلمة

    @@ باشا

    كل الناس يتقولك يا باشا وانت علشان فهمه غلط بترد وتقوله

    انت اللى باشا وابن باشا ( وتقصد طبعا المعنى اللى انته عرفه )

    مشهور ان باشا يعنى حذاء السلطان ( جزمته يعنى ) وهذا خطأ وإنما باشا تعنى .........................

    .

    .
    .
    .
    .
    .
    .
    .
    .
    .
    .
    .
    .
    .
    .
    .
    ..

    .
    عاوز تعرف

    صلى على النبى الأول عشر مرات

    عشر مرااااااات

    عد صح

    كدا عشرة

    ماشى يا بااااااااااااااشا

    باشا بقى يا سيدى

    كلمة تركية الأصل تعنى رئيس فيقال باشكاتب أى رئيس الكتبة .......!!!

    باشمهندس أى رئيس المهندسين وهكذا................... عرفت أصلها

    ماشى ياباشا.

    # حدق : ( واد حدق ) أصلها فى اللغة العربية ( حاذق )

    # فتك أصلها فى اللغة العربية( فتاك )

    # اللضا :( محلتوش اللضا) كلمة فرعونية معناها الرزق

    # أروبة :( انته ولد أروبة) جاءت من كلمة إرب بتشديد الراء وهى لغة عربية بمعنى الدهاء

    # هجاص : ( ولد هجاص) قيلت بدلا من هاجس أى الوسوسة ..أى أوعى تشغل بالك بما يقول الهجاص فهو بيهجص

    # أونطة وأونطجى .: كلمة تركية الأصل وتطلق على من لاينطق بالحق




    @ بزرميط : جاءت من كلمة pizzar وهى كلمة فرنسية الأصل بمعنى غير متناسق فتحولت إلى بزرميط لتدل على نفس المعنى



    @ يالهوى : هى تبسيط لكلمة يا لهف قلبى

    @ طظ : هى كلمة تركية معناها (ملح) ولكنها أصبحت مصر للتعبير عن الإستهزاء مثل كلمة ( فلفل وشطة ) للتعبير عن الكيد لشخص ما

    @ أزعرينه: (عامل أزعرينه) .أصلها لبنانى (أزعر) بمعنى خفيف الدم

    @ تباته وتبت : تحوير لكلمة (ثابت ) فى اللغة العربية

    @ شمروخ : وهو من شمر عن أكمامه وأصلها عربى

    @ مدعوق: جاءت من كلمة (المدعو فلان) وهى كلمة تدل على عدم الإحترام للشخص المقصود بسبب عدم البدء باسمه

    @ ألابندا (انته عامله ألابندا فى المنتدى ده) هى كلمة فرنسية معناها الفرقة فأصبحت تستخدم لتعبر عن الصخب والضجة

    $ غلس : جاءت من غلس بمعنى ظلمة آخر الليل وأصبحنا نقول واد غلس ويغلس ودى غلاسة

    $ أخبارك ايه الوقتى تقول (ألسطة) إلا صحيح يعنى ايه ألسطة

    $ألسطة

    كلمة انجليزيةالأصل وتنطق ALLSET

    بمعنى كله تمام واستخدمها البحارة للتعبير عن سير الأحوال على ما يرام مثل ( ألسطة اللنش )



    فطرت ايه النهاردة ( طبعا فول مدمس ) لحمة المصريين

    فول وعرفناها طيب مدمس يعنى ايه

    $ مدمس
    كلمة فرعونية تعنى الفول المطهو فى الفرن

    وللعلم قد عثر على الفول فى مدافن الأسرة الخامسة الفرعونية

    $ حكمدار

    كلمة تركية الأصل تعنى حاكم الدار



    # حار ونار

    ( تقول لصاحبك حار ونار فيك)

    معناها فى اللغة العربية أى حرق بالنار

    $ عفارم

    كلمة تركية الأصل وتعنى الإستحسان

    & أوضة

    كلمة فرعونية وتعنى باللغة العربية غرفة

    & مجانص

    جاءت مجنص Magnus باللاتينى

    وتعنى ( ضخم ) وجعلناه احنا مجانص للتعبير عن الضخامة

    @ زرزور

    (انت زرزور كدا ليه) زرزور دا اسم بيطلق فى الروايات الإنسانية على أى شخصية فكاهية سواء سينمائية أو مسرحية أو اذاعية

    ومن الطريف انه اسم طائر أوربى يزور مصر شتاء فى

    جماعات كبيرة ريشه أسود له بريق أخضر وأزرق وبنفسجى منقاره طويل ويفتك بالحشرات



    # بؤجة

    وهى مأخوذه من الكلمة الإنجليزية Bag بمعنى شنطة

    @ برضه

    وهى فى اللغة القبطية تعنى (أيضا )

    $ منشكح

    ( انت منشكح كدا ليه ) أصلها منشرح الصدر أى متكيف من الوضع القائم


    @ مما / أمبو / واوه / كخه / بعبع / بخ / تاتا

    هذه الكلمات التى تقال فى كل مكان

    وهى كلها كلمات تستعمل مع الأطفال فى بداية تعلم الكلام وهى كلمات فرعونية الأصل وتؤدى إلى نفس

    المعنى المراد الذى تريد أن توصله للطفل



    # يتوغوش : (أمك تقولك وغوشتنى عليك يابنى) أصلها العربى يتوجس خيفة أى يقلق ومع الدلع اللغوى بتاعنه اتقلبت بقدرة قادر متوغوش عليه

    @ فشار: هى كلمة لبنانية الأصل معناها شيئ غير محتمل حدوثه ثم ابتدعنا منها يفشر فشر فشار

    @ يا حستى : وهى مأخوذة من كلمة (يا خشيتى)

    وبردة بقدرة قادر اتحولت ليا حستى وحوسة ومحتاس

    @@ التالتة تابتة

    بتقولها كتير أوى صح بس مش

    عارف معناها عاوز تعرف معناها

    أكيد طبعا

    طيب صلى على النبى الأول عشر مرات وأنا أقولك معناها

    شكلك ما صلتش

    ماشى صليت

    التالتة تابتة دى بقى يا سيدى حكاية انجليزية تسمع فاضى يعنى طيب اسمع

    فى الحرب العالمية التانية (فاكره خدناها باين فى ...........فى ايه ؟؟مش فاكر !!!!!

    المهم ماعلينا ( ودى أحلى فلسفة فى الدنيا !!!!)

    فى الحرب دى بأة ياسيدى صدر أمر عسكرى بأن من يشعل سيجارة لا يشعل للتاني ولاالتالت ليه ياجماعة دا

    (السجاير مفيدة جدا للصحة !!!!! )

    قالوا لأنه لو أشعل الأول ..للتانى..ثم التالت أصبح مكانهم معروف للعدو وأصبح طلقات العدو موجهة لهم

    ولأصابت الطلقة الثالث وذلك فى حالة إصابة الهدف للأول فإن خفقت الطلقة الأول

    فمن المحتمل النجاح فى التصويب فى الطلقة الثانية

    فإن لم يحدث ذلك فمن المؤكد أنها ستنجح فى إصابة الثالث ومن هنا تصبح التالتة تابتة

    عرفت بأة يا سيدى أصل الحكاية





    وخد بأة يا سيدى الكلمة دى

    لما تضايق من واحد صاحبك تقوله يا

    # خرونج

    وأنت أصلا مش عارف معناها انا بأة أقولك معناها

    خرونج معناها خارج المنافسة أى شيئ ليس له قيمة

    @ أرارى : (تسمع الناس الكبار يقولك ده فلاح أرارى)

    وهى بمعنى رأى البر وهى ترمز للأنسان الذى يخرج الخبر من الأعماق (يبعنى يطلع الخبر من عنيك)




    مش كفاية كده ونكمل بعدين

    ماشى استابينا

    من الحق هى استبينا دى يعنى ايه

    @ استابينا

    ياسيدى كلمة ايطالية (ادينا بنتكلم ايطالى واحنا مش عارفين ) معناها اتفقنا أو كله تمام


    @ كانى ومانى ( لا تقلى كانى ولا مانى )

    بتقولها كتير ...... صح . بس مش عارف معناها

    كانى ومانى ياسيدى أصلهما فرعونى قديم

    وكانى تعنى السمن
    ومانى تعنى العسل

    حيث كان عامة الشعب يتوسلون إلى كهنة المعابد بتقديم السمن والعسل إليهم لقضاء حوائجهم



    # الحابل والنابل ( يقال اختلط الحابل بالنابل)

    الحابل هم الذين يمسكون حبال الخيل و الجمال فى الحرب

    النابل هم الذين يرمون بالسهام

    فحين تشتد المعركة يختلط هؤلاء بهؤلاء

    $ عنطزة

    كلمة أصلها تركى وهى تعنى فى اللغة العربية ( التكبر ) وتفرع عنها متعنطز أى ( متكبر ) أوطالع فيها بالبلدى

    # وجب

    ( الصبى بيقول للمعلم وجب يا معلم أو وجب يا ريس)

    وجب بمعنى أمر واجب باللغة العربية

    & اكسلانس
    وهى كلمة معناها يدل على الفخامة وكانت شائعة الإستعمال فى عهد الملكية فى مصر وهى كلمة فرنسية وتنطق ...... Excelle

    @ منا خوليا

    حالة عقلية توجد فى عدد من الأمراض العقلية وبعض النشاط الحركى ويتميز بالإنطواء والقلق ورغبة الأنتحار

    واسمها الحقيقى ( ماليخوليه ) ولكنها بحداقة الشعب المصرى تحولت إلى مناخوليا



    # ممنون

    كلمة تدل على السرور والإمتنان تجاه شخص ما

    ولكنها تطلق أيضا على تمثالان هائلان لأمنحوتب الثالث أقامهما أمام معبده الجنائزى بطيبة الغربية

    # نيله ( كثير ما تسمع جاك نيلة )

    أصلها نيلج وهو أهم الأصباغ الزرقاء عرفت بالهند ومصر القديمة ودخلت أوروبا فى القرن 16

    $ عقبالك
    يقابلها فى اللغة العربية ( العاقبة عندك)

    $ أهبل

    وهى تحوير لكلمة (أبله ) فى اللغة العربية ثم تفرع منها كلمات مثل سبهلله واستهبال وهبالة

    & استنى

    هى تحوير لكلمة يتأنى فى اللغة العربية بمعنى عدم الإستعجال

    & سيبويه

    ( من كبار علماء اللغة ولكن ما معنى كلمة سيبويه)

    سيبويه كلمة فارسية الأصل وتعنى رائحة التفاح



    @ قراقوش

    كلمة تركية الأصل تعنى النسر الأسود

    @ صعلوك

    وهى تعنى فى العربية فقير



    # شهر زاد

    كلمة فارسية تعنى بنت البلد

    @ يا هووووه

    كلمة عبرية معناها الرب

    @الششتاوى
    كانت تطلق قديما على من يولد فى فصل الشتاء



    @أليت ( يقولك الواد ده أليت أوى )

    كلمة فرنسية الأصل ( ELite ) أى مزهو بنفسه

    @ بوسه : أصلها أسبانى ( ايوه يا عم بتتكلم أسبانى اهه )وتكتب Bessa وتحمل نفس المعنى

    $ كولونيا : هى بلدة ألمانية تدعى Cologne بمعنى رائحة عطرة

    & اتخمد : ( اتخمد نام ) جاءت من ( خمدت النار باللغة العربيبة أى أوشكت أن تنطفئ )

    @فضحته بجلاجل

    ماأصل هذه الكلمة

    الجلاجل هى الأجراس

    وللكلمة قصة طريفة
    فقديما كان عقوبة المجرم أن يركب المحكوم عليه على حمار بالمقلوب بصحبة الشرطة وهم يحملون أجراسا

    يدقونها لكى ينبهوا الناس إلى رؤية المجرم وهو يطوف بالقرية رغم أنفه لكى يتعرفوا عليه سكانها وتكون

    فضحته بجلاجل

    ومن هذه القصة أيضا كلمة

    @ هتجرسنى

    لما يعاتبك فى شيئ فتقولك انت هتجرسنى

    مأخوذة أيضا من جرس الحراس فى تلك القصة السابقة




    لحد كده انتهى أصول الكلام

    ونسألكم الدعاء
    اتمنى ردود
    avatar
    سوسو
    Admin

    عدد المساهمات : 147
    نقاط : 234
    السٌّمعَة : 0
    تاريخ التسجيل : 14/09/2011
    العمر : 32
    الموقع : algeria

    رد: اصول الكلام في حياتنا اليوميه

    مُساهمة من طرف سوسو في الأحد ديسمبر 18, 2011 5:02 pm

    تسلمي
    هدهد
    بارك الله فيك
    avatar
    هدهد

    عدد المساهمات : 112
    نقاط : 136
    السٌّمعَة : 3
    تاريخ التسجيل : 04/12/2011
    الموقع : فلسطين

    رد: اصول الكلام في حياتنا اليوميه

    مُساهمة من طرف هدهد في الإثنين ديسمبر 19, 2011 7:29 pm

    نورتي
    صفحتي
    والله
    لا تحرمينا هطله


    _________________
    avatar
    !1! كبرياء أنثى !1!

    عدد المساهمات : 106
    نقاط : 172
    السٌّمعَة : 0
    تاريخ التسجيل : 28/11/2011
    العمر : 30
    الموقع : الجزائر

    رد: اصول الكلام في حياتنا اليوميه

    مُساهمة من طرف !1! كبرياء أنثى !1! في الأربعاء ديسمبر 21, 2011 12:49 am

    موضوع رائع غلاتي

    الله يعطيك العافية

    ينقل للقسم الأنسب


    _________________




    avatar
    هدهد

    عدد المساهمات : 112
    نقاط : 136
    السٌّمعَة : 3
    تاريخ التسجيل : 04/12/2011
    الموقع : فلسطين

    رد: اصول الكلام في حياتنا اليوميه

    مُساهمة من طرف هدهد في الأحد يناير 01, 2012 4:21 pm


    صمت الحياة

    عدد المساهمات : 47
    نقاط : 74
    السٌّمعَة : 1
    تاريخ التسجيل : 11/12/2011
    العمر : 63

    رد: اصول الكلام في حياتنا اليوميه

    مُساهمة من طرف صمت الحياة في الأحد يناير 01, 2012 5:27 pm

    يسلمووا
    موضوع رائع جدااااا
    وكل كلمه لها طعا اصل

    واحلى شى
    يا باشا

    مفكرين حالهم بشوات
    ههههههههههه
    avatar
    هدهد

    عدد المساهمات : 112
    نقاط : 136
    السٌّمعَة : 3
    تاريخ التسجيل : 04/12/2011
    الموقع : فلسطين

    رد: اصول الكلام في حياتنا اليوميه

    مُساهمة من طرف هدهد في الإثنين يناير 02, 2012 4:36 pm

    نورت الصفحة
    اهلا فيك دوممماااااااااااااااااااااا


    _________________

      الوقت/التاريخ الآن هو الأربعاء ديسمبر 12, 2018 7:45 am